2019ko udal tasa eta zergetan hobariak eskatzeko epea zabaldu du Tolosako Udalak, eta horren arabera, otsailaren 15a bitarte egin ahalko dute eskaera interesdunek. Eskaerak Udate, Udal Arreta Zerbitzuan, egin behar dira.

Ondasun higiezinen zergan familia ugarientzako hobariak, ibilgailuen zerga salbuespena, ibilgailu historikoen hobaria, ibilbaigu elektrikoena, ibilgailu hibridoena, familia ugarien hobaria edota hondakinen tasa hobaria eskatzeko bete beharreko baldintzak, bete beharreko dokumentazioa eta eskaera orriak eskuragarri daude www.tolosa.eus -en.

Edozein zalantzaren aurrean, Ogasun sailarekin jarri harremanetan Tolosako Udalera bertaratuz, 943 69 75 00 deituz edota zergabilketa@tolosa.eus -era idatziz.