13 minututan agortu dira Ostegun Gizen, Zaldunita, Astelenita eta Asteartitako zezen-ikuskizunen sarreren %70a. Hori izan da internet bidez saltzeko erreserbatu den kopurua. 16:00etan hasita, 16:15enean ez zen sarrerarik geratzen.

Hala ere, izango da oraindik sarrerak eskuratzeko aukera: kopuru osoaren %25a Leidorreko lehiatilan salduko da otsailaren 5 eta 6an, 16:00etatik 20:00etara edo agortu bitartean; eta gainontzeko %5a, zezen plazako lehiatilan bertan ikuskizun egunetan. Egunero 15:00etatik aurrera agortu arte.

Sarrerek 2017ko prezio berberak mantendu dituzte:

• Tendidoa: 2 euro lehiatilan; sarean 2,18€.
• Harmaila: 2 euro lehiatilan; sarean 2,18€.

Kontuan izan:

• Bai leihatilan eta bai internet bidez, bakoitzak aldiero gehienez 10 sarrera erosi ahal izango ditu.
• Erositako sarrerak, internet bidez nahiz leihatilan, ezingo dira ez itzuli, ez eta aldatu ere.
• Astelenitako harmailako sarrerak ez dira salgai jarriko, harmaila osoa aisialdi taldeentzat baita.